ဒင်ဒိုအပင်ငယ်များ အမြန်ကြီးအောင်
အပင်ဇီဝကမ္မဗေဒပညာရှင် ဂျပန်လူမျိုး Dr.E.Kuruzawa က 1926 ခုနှစ်မှာ အဲဒီချိန် ဂျပန်ကိုလိုနီနိုင်ငံဖြစ်တဲ့ ထိုင်ဝမ်နိုင်ငံမှာ စပါးရူးရောဂါကို လေ့လာရင်း ဂစ်ဗရစ်လစ် ဟော်မုန်းကို စတွေ့ခဲ့ပါတယ်။ ကပ်ပါးမှိုဖြစ်တဲ့ Gibberelia Fujikuroi ကနေထုတ်လွှတ်တဲ့ ဓါတုပစ္စည်းတစ်မျိုးကြောင့် စပါရူးရောဂါကျရောက်နေတဲ့ စပါးပင်တွေက ပုံမှန်ထက်နှစ်ဆလောက်ရှည်ထွက်လာတာပါ။ အဲဒီဓါတုပစ္စည်းက အပင်ရဲ့တစ်ရှူးတွေကို အလျှားလိုက်ရှည်ထွက်စေနိုင်ပါတယ်။ နောက်ပိုင်းမှာ ဒီဓါတုပစ္စည်းကို Gibberellin-A လို့နာမည်ပေးခဲ့ပြီး 1955 လောက်မှာ အနောက်တိုင်းပညာရှင်တွေက Gibberellic Acid လို့နာမည်ပေးခဲ့ပါတယ်။ အဲဒီဂစ်ဗရစ်လစ်အက်စက်ကိုသုံးပြီး ဒင်ဒရိုဘီယမ်သစ်ခွအပင်ပေါက်လေးတွေကို ပုံမှန်ထက်ပိုရှည် ပိုကြီးလာအောင်လုပ်နည်းကို ရေးချင်ပါတယ်။ ဂျစ်ဗရစ်လစ်ဟော်မုန်းတွေကအရည်ပုလင်းနဲ့ ဆိုင်တွေမှာ ရောင်းပါတယ်။ အခဲလေးတွေလည်းရောင်းပါတယ်။ ဂျစ်ဗရစ်လစ်အက်စက်က အပြင်းစားဖြစ်လို့ တစ်သန်းပုံ ဆယ်ပုံ(10 PPM) သုံးစွဲဖို့ညွှန်းထားပါတယ်။ ကျနော်တို့သုံးတဲ့ခါ ရေတစ်ဂါလံမှာ ဂျစ်ဗရစ်လစ်အက်စက် တစ်စက် / နှစ်စက်လောက်ကိုထည့်ဖျော်ပြီး Sprayer ဆေးဖျန်းဘူးနဲ့ဖျန်းရပါတယ်။ ဂျစ်ဗရစ်လစ်အက်စက်နဲ့ ဒင်ဒရိုဘီယမ်အပင်ငယ်လေးတွေကို ကြီးထွားအောင်လုပ်မယ်ဆိုရင် ပထမဆုံး သစ်ခွပင်ငယ်လေးတွေကို အရင်သီးခြားခွဲထားပါ။ ပြီးရင် ဂျစ်ဗရစ်လစ်အက်စက်ထည့်ဖျော်ထားတဲ့ရေနဲ့ ဖျန်းပါ။ ၁၅-မိနစ်လောက်ကြာတဲ့အခါ ရိုးရိုးရေနဲ့ ရွှဲနေအောင်လောင်းပေးပါ။ နောက်ထပ်လေးဆယ့်ရှစ်နာရီ(နှစ်ရက်)အကြာမှာ ဂျစ်ဗရစ်လစ်ဖျော်ရည် တစ်ခါထပ်လောင်းပါ။ အဲလို လေးဆယ့်ရှစ်နာရီခြားတစ်ကြိမ်စီ သုံးခါဖျန်းပြီးရင် ဂျစ်ဗရစ်လစ်ထပ်ဖျန်းစရာမလိုတော့ဘူး။ အရေးကြီးတာက ဂျစ်ဗရစ်လစ်အက်စက်ဖျန်းပြီးတိုင်း ၁၅ - မိနစ်အကြာမှာ ရေကိုဝအောင်လောင်းပေးရပါမယ်။ မဟုတ်ရင် အပင်လောင်သွားလိမ့်မယ်။ ပြီးတဲ့ခါ ၂၁ - ပတ်လည်လိုမြေသြဇာကို တစ်ပါတ်တစ်ခါပုံမှန်ဖျန်းပေးပါ။ ဂျစ်ဗရစ်လစ်အက်စက်ဖျန်လို့ ၁၅ - ရက်လောက်ကြာတဲ့အခါ အပင်က အစိမ်းနုရောင် သန်းလာပါလိမ့်မယ်။ တစ်လလောက်ကြာတဲ့ထိ အပင်က ပုံမှန်ပဲကြီးနေလိမ့်မယ်။ တစ်လကျော်လာတဲ့အခါ ဂျစ်ဗရစ်လစ်အက်စက်မဖျန်းတဲ့အပင်ထက်သိသိသာသာ ရှည်ထွက်လာလိမ့်မယ်။ အပင်က ပုံမှန်ထက်နှစ်ဆနီးပါလောက်ရှည်ထွက်လာတဲ့အတွက် မသန်မစွမ်းလိုဖြစ်နေလိမ့်မယ်။ ပြဿနာမရှိဘူး။ ၂၀၊၁၀၊၁၀၊ ဒါမှမဟုတ် ၂၅၊ ၅၊ ၅။ လိုမျိုး နိုတ်ထရိုအများပါတဲ့မြေသြဇာကိုကျွေးပေးပါ။အဲလို သုံးလေးလလောက်ပြုစုလိုက်ရင် ရိုးရိုးအပင်တွေနဲ့ဘာမှမဆိုင်လောက်အောင်ကြီးထွားလာပါလိမ့်မယ်။ ဒီလို ဂျစ်ဗရစ်လစ်အက်စက်ကိုအသုံးပြုပြီးတော့ ပုံမှန်နှစ်နှစ်လောက်စောင့်ရနိုင်တဲ့ ဒင်ဒရိုဘီယမ်အပင်ငယ်တွေကို အချိန်ထက်ဝက်လောက်စောပြီး အပင်ကြီးဖြစ်လာအောင်ပြုစုနိုင်ပါတယ်။
တဆင့်ပြန်လည်မျှဝေခြင်း
No comments:
Post a Comment